صدفة وحبيتلي عراقي
صدفة اشلون صدفه بهذاك اليوم
بلانترنيت وفتحت كامرة بنية...
وأعذروني ما شفت بالبشر هل أوصاف
مو بنت اليگول تگول حورية...
حجت وياي صدفة خلتني اعبد النت
نهاري صار ليل وليلي صار ظهرية...
گااااااااالتلي أنت منين ؟ گلت من العراق
گلتلها وأنتي ؟ گالت عراقية ...
گلتلها والله توقعت من أهل العراق
يا تاج العراق ونعم أهالية...
گلتلها أنتي منين أنتي من العراق ؟
گالتلي من بغداد واصلي موصلية...
گلتلها شسمچ ؟ گالتلي زهره
گلتلها زهره ؟ چا منهي المزهرية...
گالتلي گبل لا تسأل خل اگلك شي !
أنت شجابك عليه شعرفك بيه ؟...
گلتلها حظي وبس هل مره صاب وياي
چن جاهل فقير انطوه عيدية...
أحس طايح بحبها واعرفها من سنين
أو وياي تغفه تنام ليلية...
يااااا طولها چن برج الجزيرة تگول
ويا وجه الگمر أبنوره وبضية...
شحجيلك عالشعر ؟؟ عله طوله ؟؟ لو عالون ؟
يسطر سطر چن اتگول زولية...
بيها هواي شغلات وما تنوصف هينوب
تلم حسن العراق بشمسة وبفية...
تلم كرم الجنوب وطيب كردستان
ومن حسن بغداد اخذت شوية...
حيرني امرها تهت كلش بيه
وأرد اعرف فضول سنية ؟ شيعية ؟...
ويمكن لان هذا الوضع علمنه شغلات
وماكو فرق لو حته هندية...
گلتلها أنتي منين ومن يا عمام ؟
ظحكت وگالت ما اگول واحنه بزمن حرية...
گلتلها لا والله بس حب الفضول
گالتلي هلالي ابوي وامي زبيدية...
وانه تبسمرت وطاح الگلب بالگاع
فوگ كل هل خصال النوب عراقية
من كتابات
عاشق العراق
شمس الاصيل
