عاجل عاجل عاجل
(عاجل المختار عبالكم عاجل عكده؟؟) هلوووو (بنات ولد)و كل عام و انتو بالف خير اخر تحشيشه للعيد... اكو مهربجي قجغجي و يبيع بانزين بنفس الوقت ,,, مستعد يهرب العراقيين قجغ الى دولة اسكندنافية (الكرادة) و بس توصل تاخج(تاخذ) جنسية كرادية
1- 15000 دولار تنطيهيا بالطرمة ببيتكم وياها جيس صمون حجري (12 صمونة ذات كمعين ...تأمينات)
و 5000 دولار من توصل للدولة المكان محدد بالدولة (مثلجات الفقمة)
2- لازم اتحصل فيزا (شنعل)اختصار (شعب - نهظة - عامرية - لندن) تطوف بيها هالدول (بالكيا و لازم السايق سوداني حتى ما يبين بالظلمة)
3- من توصل لمطار الكرادة الدولي تشكشك البطاقة التموينية بالمطار و تكلهم اني اطلب لجوء و يخيروك تريد كرادة داخل لو خارج؟؟؟
تكلهم دارج حتى يحطوك بكامب بالنص و ينطوك راتب لجوء3 طبقات بيض بالشهر
وراها يحطوك بمدرسة لغات تتعلم عراقي (اخاف انتة فرنسي) و اول كورس بس تتعلم (شكو ماكو مفخخة جوزة ام ال 7 انخطف ماطور تانكي عطبت انفجرت مشرحة طب عدلي سوريا جمسي مفرزة سيطرة تايكر اقصى حديقة ضوجة طلقة تايهة سومر ابو الجيس جيب الكاس جيبة حاتة سطح بوري سفنجة .....الخ )
و راها ينطوك جنسية ممكن تاخذ عليها اقامة بالكرادة و بكل دول العالم ( المنصور اليرموك الحارثية و جزر العلاوي و شبه جزيرة باب الشرجي و جمهورية راغبة خاتون الاشتراكية الجماهيرية )
و في النهاية نتمنى لكم اقامة مريحة
